Hongkong market, Dimapur nung CCTV camera enokogo

Bodbarnü Dimapur kübok Hazi park/Hongkong market  nung CCTV lapokba sentong nung NIDC Chairman, Tovihoto Aye -i o jembiba angur.

Dimapur, May 18 (TYO) : Nagaland nung shishilembadak mazüngtiba- Hongkong market, Dimapur nung CCTV camera enokogo.

Dimapur nung mezüng New market nung enokba sülen tang Hongkong market nunga CCTV 24 tashi enokogo.

Iba mapa ya Hazi Park Businessmen Welfare Committee (HPBWC)-i ketdangsüa inyak aser tarutsü anogotem nung CCTV talila enoksemtsü sentong lir, ta Committee-i metetdaktsü.

Bodbarnü NIDC Chairman, Tovihoto Aye-i CCTV lapoktsüba sentong nung ashiba agi, iba ya mapa tuluka inyaktetba lir aser iba asoshi shishilembartem nem tenüngsang agütsür.

CCTV enokba ajanga ozüng alema inyakba noktangba dang masü saka shishilembai arurtem dak tarendakba malitsü, ta paisa ashi.

Tovihoto-isa shishilembartem dang lijaliyongi arurtem den ajemalua jembishinütsü tayongzükba agütsü.

CCTV enokbaji ozüng alema inyakertem mita aputsü atema dang masü saka shishilembartem azüoktsü atema lir, ta DCCI President, Hokivi Chishi-ia tanü sentong nung ashi.

DMC, CEO Atokhe Aye-ia shishilembartem nem tenüngsang agütsü aser Dimapur renlokdaktsütsü atema nisung ajak longjemtsü ayongzük.

Iba sentong nung mendenji HPBWC secretary, Ahidul Rehman liasü aser Bengali Samaj, Bhojpuri Samaj o Muslim Council Dimapur nungi teshimtet nübotemia o jembi.