Hongkong Market nung kitsükkirong lendong atalok

Dimapur, March 29 (TYO) : Mongulbar anepdang 10:30 ako meta Hongkong Market nung kitsükkirong lendong ka atalok saka mapang shitak nung Fire Brigade aruba ajanga lendong tuluka mekümi noktangtet.

Dimapur nung flyover bridge anasa cosmetic dokan ka nung miji kaolok saka Fire Brigade aser OC East PS-i anir police den Mahila IRB nungertem mapang shitak nung tesem tonga arua yaritepba ajanga miji remseptet.

Dokan kiburtemi ashiba agiba mi jagi sen lakh ishika jenjang oset rongdok. Kitsükkirong lendongji tsüngpang nung electric short circuit ka ajanga adok asütsü südi ta temulung melemi bilemba osang angazüker.

Mapang shitak nung arua yaritepba atema Hazi Park Businessmen Welfare Committee-i Fire Brigade personnel, OC East PS aser Mahila IRB jawans dang pelaba metetdaktsü.

You must be logged in to post a comment Login