Honibar nü Delhi nung ayir ka tsüka asü

New Delhi, October 24 (Agencies): Honibar nü Delhi nung Safdarjung Enclave tesem nung ayir tain lunglung ka ki atongtepa asüba tasembuba nungi tsüka süogo, ta police-i ashi.
Honibar nü asüla ya south Delhi nung tebu tanubo den alir arishi küm 18, Rajpriya Sinha lir aser nija school ka nung tang class 12 nung tezüngdak liasü. Tebu tanubo ya taoba mapang Bihar nung MLA liasü, ta police ketdangser kati ashi.
Paisa ashiba agi, iba lendong nung shinga teka mali amai bilemer.
“Hokolbar aonung tebu tanubo nunger kidang maliba mapang lai lar aianu aser medemertsür tem jaoka külemi kazütepa liasü. Anepdang 2:30 ako meta medemtsür ka auto nung aruba angashia la reprangdangtsü atema balcony-i aludang ajupeter ali nung lua tsük,” ta police temi IANS dang ashi.
Sinha’er medemtsür temi police control room nung phone ajanga osang agütsü aser All India Institute of Medical Sciences Trauma Centre-i anir ao, ajisüaka mozü ki atongdangbo la süadoker liasü.