Honor 10, Honor View10 aser Honor Play atema EMUI 9.0 update agütsütsü

Aenjeti/January 14 (Agencies): Honor 10, Honor View10 aser Honor Play smartphone tem atema Google indang Android Pie update agütsütsü sangdongogo. Iba update ya Huawei indang EMUI 9.0 update shilem ka asütsü kong ‘full-screen gesture’ aser UI tasenba angutsü.
Iba EMUI 9.0 update den külemi, Honor 10, Honor View10 aser Honor Play smartphone tem nung ‘navigation’ feature balala agütsütsü renema lir.
Iba dak alia, update nung densema lir koba Huawei-i ashiba agi, iba feature – GPU Turbo 2.0 yagi device tem performance tsütsü takaraba kümdaktsür aser kasa mapang application tulu amshidang battery power tajemba agidaktsür.
Item feature den bendenloksema, update tasenba nung feature tasentem talisa, Translation, AI Shopping, HiVision visual search, Password Vault, Uninterrupted Gaming Mode, Wireless Sharing (Projecting) aser Digital Balance dashboard keta aliba angutsü.
“Digital Balance dashboard feature ajanga user temi device amshiba maparentem asadangtettsü aser app shia atema ‘quota’ set süa amshitettsü. AI, EMUI 9.0 ajanga HiVision tsütsü nungitsü koba ajanga asen meküta aliba tongtibang landmark, painting aser structure tem camera app yagi sayur; aser iba denji külemi, Augmented Reality teyari ajnaga user tem nem tongtibang osangtem metetdaktsür,” ta Honor-i sangdong ka ajanga metetdakja liasü.
Honor-i ashiba agi, iba EMUI update ajanga Honor 10, Honor View10 aser Honor Play smartphone tem nung system inyakyim shilem 12.9 agi takaraba kümdaktsütsü.