Honor 8 Pro Amazon nung ayoktsü

July 13, 2017 (Agencies): Huawei indang sub-brand Honor phone koba taoba hopta sayaa liasü, iba phone ya Amazon India nung ajaki alitettsü. Honor 8 Pro jenjang ya 29,999 lir. Amazon-i ano ita 3, 6, 9 mesera 12 atema Bajaj Finserv ajanga EMI offer agütsür. Iba phone alirtemnem ita pongu atema Vodafone 45GB data dena agütsütsü. Iba offer tem ya July 13, 2017 nungi 31 tashi nung alirtem nem agütsütsü.
Honor 8 Pro nung tongtibang feature tem rongnung 12-megapixel dual camera setup, 4000 mAh battery aser 2K resolution display amala alitsü. Honor-i maneni iba device nung feature kar agütsütsü asoshi GoPro aser Gameloft company tem den longjemogo. Honor 8 Pro ya Midnight Black aser Navy Blue sentsü nung angutsü. Iba device nung 9V/2A fast charger, VR headset ama amshitettsüsa standard USB-C cable angutsü. Honor 8 Pro atema service warranty ita 12 agütsütsü. Iba phone ya OnePlus 5 den tokteptsü. Phone anaprongla nung dual-camera setup keta lir aser Amazon nung dang angur.
Honor 8 Pro ya taküm küm tetenzüklen Mobile World Congress Barcelona nung amongdang Honor V9 tenüng nung sayua liasü.