Honor 9 Lite India nung sen 10,999 yong sayaogo

Aenjeti 17, 2018 (Agencies): Huawei indang sub-brand, Honor pur-i parnok indang smartphone tasenba Honor 9 Lite India nung tanü sayaogo. Honor Lite tasenba ya Aenjeti 21 nü nungi Flipkart kija nung ayoktsü. Iba device ya tapu ana nung angutsü. 3GB RAM/ 32GB internal storage variant ya sen 10,999 agi angutsü aser 4GB RAM/64GB internal storage variant ya sen 14,999 agi angutsü. Iba smartphone ya taoba mapang nung China nung sayaogo aser Honor View 10 sülen taküm India nung parnok indang phone tanabuba sayar asütsü.
Honor 9 Lite nung quad camera setup aser 18:9 edge-to-edge display, Android 8.0 aser sleek glass unibody design ka keta aliba angutsü. Honor puri glass unibody atema ya PPVD technology amshia lir, koba smartphone indang body nung fingerprint agi menendaktsüba ajemdaktsütsü nükjidong nung lir aser iba ajanga ano cover dena amshitsü asoshi nüngdak madoktsü. Iba den bendenloksema company-i ashiba agi parnoki system response rate shilem 65 agi tajungba küma yanglushiogo aser 16nm octa-core CPU ka keta aliba ajanga Honor 9 Lite operation shilem 50 agi tajungba kümdaktsütsü.
Honor 9 Lite nung 5.65-inch Full HD+ FullView display den aspect ratio18:9 aser 2160×1080 pixel resolution. Iba phone nung Honor pur indang HiSilicon Kirin 659 octa-core SoC den Android Oreo 8.0 ma nung Honor indang UI – EMUI 8.0 keta aliba angutsü. Honor 9 Lite ya tapu ana nung angutsü, ka 3GB RAM aser 32GB internal storage aser ka 4GB RAM aser 64GB storage. Maneni memory ya external microSD ka amshia 256GB tashi atsülanga amshitettsü.
Camera tsütsü iba phone reprangdangra, Honor 9 Lite nung tejaklen aser tesülen naprongla nung dual camera setup keta aliba angutsü aser iba nung ka 13-megapixel primary lens aser 2-megapixel secondary lens ta keta lir. Primary camera nung PDAF Fast Focus aser LED Flash keta lir. Selfie camera nung smart selfie, beautification mode aser hand gesture mode nunger amala keta lir.
Honor 9 Lite nung Connectivity options tem rongnung hybrid dual-Nano SIM slots, 4G VoLTE, Wi-Fi 802.11 b/g/n, Bluetooth, GPS/ A-GPS, 3.5mm audio jack, aser Micro-USB den OTG support dena lir. Iba smartphone nung battery tashiji 3000 mAh alitsü aser company ajanga ashiba agi, iba phone khen charge asütsüba atema ghonda 2 ser minute 20 agitsü aser anogo ka songtema amshitettsü. Iba smartphone tasazük 151×71.9×7.6mm aser tozük gram 149 alitsü.