Honor View 10 alima ajunga nung Million 1 dak tema yokogo

Aenjeti 13, 2018 (Agencies): E-natives atema Huawei indang sub-brand Honor company ajanga tanü sangdong ka nung ashiba agi, parnok indang phone Honor View 10 alima ajunga nung million 1 dak tali yokogo, aser India nung ‘Amazon Choice’ ta shimtetogo. Amazon’s Choice ta asüba ya products tem koba high rating, sen jenjang den peta oset tajung, iba amala ya asadanger Amazon.in recommend asüba lir. Honor View 10 ya sen 29,999 agi angur aser iba phone nung Huawei indang Kirin 970 chipsets aser Android 8.0 Oreo den EMUI 8.0 keta lir. Honor View 10 koba Aenjeti 8 nü nungi Amazon nung ayok tenzük, iba phone ya experts temi dang masü saka consumers temeia iba jenjang nung phone tem rongnung tajungtiba rongnung ka lir, ta kanga temulung süa agizükba, company ajanga metetdaktsü.
Honor View 10 nung 5.99-inch Full HD+ (2160x1080p) display den aspect ratio 18:9 aser 2.5D glass protection ka keta aliba angutsü. Iba smartpnone nung 6GB RAM den 128GB internal storage keta lir, koba 256 GB tashi maneni atsülanga amshitettsü.
Iba phone indang camera tsütsü reprangdangra Honor View 10 nung dual lens camera setup ka keta aliba angutsü, aser iba nung tesülen 20-megapixel primary aser 16-megapixel secondary lens den f/1.8 aperture keta aliba angutsü. Maneni tejaklen 13-megapixel selfie shooter ka keta lir. Iba phone tozük ya gram 172 lir aser dual-SIM connectivity option den hybrid SIM slot ka, Wi-Fi, Bluetooth, aser GPS connectivity keta aliba angutsü. Honor View 10 nung battery tashiji 3750 alitsü.
Iba smartphone nung Artificial Intelligence keta lir, aser company ajanga ashiba agi, iba ajanga lenla aika nung iba phone inyaksangshi kanga tajungba kümdaktsür. AI temji Facial recognition, image to text translation, intelligent notifications lock, intelligent scene recognition aser camera nung AI motion recognition aser AI zoom nunger amala lir. Iba smartphone nung tejaklen fingerprint sensor ka glass telung nung keta aliba angutsü.