Hopman Cup: Serena yirua shilem magitet

Perth, January 04 (Agencies): Tetsür World No. 1, America tsür Serena Williams temokok abelen yiruba yong lai tang tasayadak Hopman Cup asayamong nung lar tetenzükba asaya nung tanü shilem magitettsüsa aküm.
Taküm 2016 küm asoshi mezüngbuba asaya nung takok ngua shilem agitsü alizüng yur Serena-i terenemshiba tulu agi saka la tetsüng yiruba yong la melena Vicky Duval-i international mixed-team tetoktepba nung shilem agia liasü.
Ukraine tsür Elina Svitolina-i points 6-4, 6-1 ngua Duval madak takok angu aser külem sensopur, Alexandr Dolgopolov-ia points 6-4, 6-2 ngua Jack Sock madak takok ngua par Ukraine asoshi asaya 3 nung asaya timba koka Group A asaya kokadok.
Ajisüaka, Duval o Sock nati tesülen points 6-2, 6-3 ngua mixed doubles asayabo akok.
“Sock den külemi lungjemer Australia Gold telok den asüng shilem agitettsü tamang akar,” ta Serena-i tanü metetdaktsü.
Ano külen, Andy Murray-i points 6-2, 6-2 ngua France nunger Kenny De Schepper madak takok ngua par Britain points 1-0 agi France telok den temaba jenjang nung tanü ajungkettsüogo.
Brisbane International asaya nung 2015 finalist, Grigor Dimitrov-i points 6-3, 7-6 (10) ngua Gilles Simon madak takok ngua tanabuba round-i aiba osanga jangjaogo.
Taoba mapang Australian Open champion anaben tashi akümtsü jenjang angula, Victoria Azarenka-ia tanü points 6-2, 6-0 nuga Elena Vesnina madak takok anguba sülen tetsür World No. 2, Simona Halep den tanabuba round asayatsü jenjang angu.
Venus Williams, Ana Ivanovic aser Caroline Wozniacki nungeria asüng, Mongolbar nü nungi tenzüka iba asayamong nung toktepa shilem agitsü renema lir.