‘Hornbill Bamboo Carnival’ tanü nungi tenzüker

Dimapur, December 03 (TYO): Nagaland Bamboo Development Agency-i “Bamboo, Art, Food & Music” omen nung ajemdaker, Nagaland Bamboo Resource Centre, 6th Mile (Sovima), Dimapur nung December 4 nungi tenzüka 6 nü tashi ‘Hornbill Bamboo Carnival’ ayonga lir.
Iba asemnümung sentong nung au agi yangluba oset tapu balala sayua ayoktsü, chiyungba tesema lapoktsü, kenten sentong akatsü aser kibong o tanurtem asoshi sentong aika akatsü. Iba sentong nung state Mizoram, Arunachal Pradesh, Manipur aser Assam state tem nungia shilem agitsü.
NBDA & NEPED Advisor, Naiba Konyak-i December 4 anüngdang 12:00 ako nung sentong lapoktsütsü aser tongtibang nisung aika kasa sentong nung adentsü sentong lir.
NBDA züngsem aser HBC convenor, Dr. Tolto Metha-i ashiba agi, sentong balala den sentaktepa nikongdang shia 4:00 ako nungi concert sentong akaba ajanga nüburtem tali jangradaktsütsü.
Taküm iba sentong nung music tsütsü mongin aser sempet tajung keta alir aikati shilem agitsü. Concert nung shilem agitsüpur kar yamai: Abiogenesis, Incipit, Maria Cherednikova, Divas Unleashed, Patkai voice ensemble, The last glance 4x, Gold Planet, Search & found, Loyal ‘d’, Ur-fm, Hibo Chishi (Voice of Nagaland finalist), Kallol Kirity Singha, Asito, Vila Keditsu, Big Dane, Dance crews aser ano aika lir.
Iba sentong lapoknü nungi tatemnü tashi kaketshirtem, raliwalirtem, onok meima nungitertem aser nüburtem ajaki arua shilem agitsü asoshi Nagaland Bamboo Development Agency-i pelashishi jaoker.