Hornbill benjung nung nisung lakh 1 den timba denogo

Kisama, December 06 (TYO): December 5, 2015 tashi nung Hornbill Festival nung adeni arur nisung 1,04,944 liasü, ta sorkar ketdangsertemi osang metetdaktsü.
Benjung semdanger 1,04, 944 rongnung bendanger raliwalir 656, linük nungi raliwalir 9788 aser local nisung 94,500 liasü, ta parnokisa shisem.
Anogo pungu tsüngda nisung timba arubaji Honibarnü liasü, aser iba anogo nung tesemdanger 29,112 liasü. Iba anogo sülen December 4 nü nisung 22,750, tetenzük anogo nung nisung 22,740, December 2 nü nisung 16,438 liasü aser nisung tajemba aruba anogoji December 3 liasü aser iba anogo nung nisung 13,904 dang arua liasü, ta ketdangsertemisa metetdaktsü.
December 7 nü agiba sentong nung tongti tesemdangerji GOC-in-C- Eastern Command, Lt. Gen. Praven Bakshi, AVSM, VSM asütsü.