Hornbill benjungmung nung sobaliba sentong tobur junga tembang

Dimapur, December 10 (TYO) : Naga Heritage village, Kisama nung 17 buba Hornbill Festival 2016 tatembang anogo nung Naga nunger yartsüngsangertemi shilem tajung agi tesentepertem kanga jangratemdaktsüogo.
Tanü Kithagha Village Cultural Troupe (Rengma)-i anempongba ia sayu, Nsong Village Cultural Troupe (Zeliang)-i Nbumpuilim ta ser sü tebong ana raraba indnag jilu ia sayu aser Kachari Cultural Troupe Purana Bazar (Dimapur)-i maina ozü mesüka sobur tsüngsang.
Maneni, Sangphur Village Cultural Troupe (Yimchunger)-i Tsungkamneo Aneojikhi tsüngsang, Pholami Dzuvekro Cultural Troupe (Chakesang)-i Nagamilizo ken, Ekranipathar Village Cultural Troupe (Dimapur)-i Garo-Wangala tsüngsang, Tuensang Village Cultural Troupe (Chang)-i Phaang Pakbu külem küjaba shilemtem agi.
Hornbill benjung tembangba anogo nungsa Angangba Village Cultural Troupe (Sangtam) ajanga Jumurunyichi, Phoyisha Range Cultural Troupe (Pochury) ajanga Pfughatiyu Luchu, Pathso Noken Cultural Troupe (Khiamniungan) ajanga Jamhang, Wokha Village Cultural Troupe (Lotha) ajanga chumpo (morung), Mezoma Village Cultural Troupe (Angami) ajanga Somino aser Waromong Village Cultural Troupe (Ao) ajanga tetsürtemi yimjung yangluba tsüngsangtem ia sayu.
Tatemsa, Chingdang village cultural troupe (Konyak) ajanga “Sham Shu” ta ser süngkong atemba aser Yehemi Village Cultural Troupe (Sumi) ajanga ‘Aphilo Kuwo’ ta ser tsüngsang ia liasü.