Hornbill Fest: Coloring, drawing aser painting tetoktepba agiogo

Dimapur, Luchii/December 4 (TYO): Hornbill benjung nung shilem ka ama Kids Carnival anogo pezübuba nü Naga Heritage village, Kisama, Children’s Park nung December 4 nü colouring, drawing aser painting tetoktepbha agiogo. Iba sentong ya Tourism Department teyari nung Synergy Group Enterprise puri achaayanga agidar.
Iba tetoktepba nung kaketshir parnok 15-i paintings, drawing aser colouring ajanga parnok sempet sayaogo.
Tetoktepba ya group A, B, aser C ta lemsar agiogo.
Group A (class 1-3 colouring) nung tetokteper 5, group B (class 4-6 Drawing) nung tetokteper 5 aser group C (class 7-9 progressive Nagaland) nung tetokteper pongu liasü.
Group A nung takokerji Northfield Higher Secondary School nungi Sophia Gurung liasü aser la nem senpet sen 2000, agütsü. Tanabuba jenjang nung Fernwood School nungi Abhiruk Bagchi liasü, pa nem senpet sen 1000 agütsü.
Group B tetoktepba takoker Chandmari Higher Secondary School nungi kaketshir Adarsh Gurung nem senpet sen 4000 agütsü aser St Paul School nungi runner up Visa nem senpet sen 2000 agütsü. Group C painting tetoktepba R.G.H.S.S. Kohima nungi kaketshir Khrienuo Chinese-i akok aser la nem senpet sen 5000 aser tanabuba jenjang nung Government Middle School nungi kaketshir Ruokuozeü Chiese liasü. Pa nema senpet sen 3000 agütsü.
Jenjang asemprongla nung takok angur nem senpet den kuli kaket tajung agütsüogo. Iba tetoktepba ya Shoyezo Keyho aser Raju Gurung nati tendanga liasü.
Maneni December 5 nü 1:00 ako nungi tenzüka ken tetoktepba alitsü.