Hornbill Festival atema lenmang, ILP counter tasen lapoktsür

Dimapur, December 2 (TYO): Hornbill Festival metembang tashi Chathe River Bridge (Patkai Bridge) nungi New Chumukedima (Pakala Pahar Bridge) tashi lapoktsür, ta Dimapur Deputy Commissioner Anoop Khinchi, IAS-i tanü metetdaktsü.
Iba ya November 25, 2019 nü sangdong agütsüba nung tera melenshia agütsüshir, ta paisa ashi.
Ano, Dimapur Additional Deputy Commissioner V. Lovitoly Sema-ia tanga sangdong ka nung “Dimapur DC office nung ILP branch aliba dak alia Dimapur Airport aser Chumukedima Police Check Gate nung ILP counter ana lapokgo” ta metetdaktsü.
Tourist temi item ILP counter nungi teyari agitsü metetdaktsür, ta Additional Deputy Commissioner-isa ashi.