Hornbill Festival atema RT & Culture Department-i sangdonger

Kohima, November 28 (TYO): Hornbill Festival 2017 mapang anogoshia sobaliba sentongtem atema Department of Art & Culture-i maparen ajak renemogo, ta tanü ketdangsertem osang ka ajanga metetdaktsü.
Tongtibangtiba tesem nung tribe ajak nungi aser state adener tangalen nungi sobaliba sentong nung shilem agirtemi sobaliba sobutsü sobur yartsüngsanga ken atentsü.
World War 2 Museum Premises nung aliba Artists’ Corner nung art works, demonstrative arts & live-sketching, painting exhibition, art competitions aser slide show ama sayaba den külemi ayoktsü.
Archives’ Corner nung Public & Private Records, Historical & Geographical Maps indang pusitotsü documents sayatsü aser Departmental Publications ayoktsü, iba den külemi kaketshirtem, shisashirtem aser Researchers atema kaket azüngtsü asoshi facilities alitsü.
Puti otsütem, Artifacts, aser akhi otsütem indang rajemtsü asoshi public nem World War 2 Museum lapoka yutsütsü, ta kasa osang ajangasa metetdaktsü.