Hornbill Festival nung ‘SDG One Stop Destination’ ayonger

Dimapur, Yimpoksüi/Nov. 19 (TYO): SDG Coordination Centre (SDGCC), Planning & Coordination Department ajanga December 1 nü Hornbill Festival mapang ‘SDG One Stop Destination’ ka ayongzüktsü.

Iba sentong kübok Sustainable Development Goals (SDGs) den putepa quiz, games, drawing competition, short film screening, SDG photo booth, SDG pledge amala sentong balala ayongzüka agitsü. Iba den bendenloksema ‘Green Christmas Corner’ ka amenoktsü, kong eco-friendly aser sustainable yimya nung Christmas amungtsü atema tangazükba agütsütsü aser local tem ajungshitsü asoshi inyakyim balala benoka inyaksangshitsü.

Inyakyim ajak indang omenji SDGs dak ajemkdaker asütsü. Iba sentong dak sendakba nung osang tejangja agitsü atema @sdgccnagaland semdangtsü ketdangsürtemi metetdaktsüogo.

Nagaland sorkari 2019 küm nungi tenzüka SDGs mesera Global Goals ya ajak atema aser localize südaktsütsü inyaka arudar. Iba sentong ya SDGs-oriented action dak sendakba nung nüburtem nem tangazükba agütsütsü aser nüburtem nem shilem agidaktsütsü atema aser benjung mapang inyakyimtem ajak SDGs den sendaktepdaktsütsü merangba sentong ka lir.