Hornbill Festival troknübuba osang

Dimapur, December 6 (TYO) : Hornbill Festival anogo trokbuba nung yarutsüngsanger teloktemi Naga nunger sobaliba aser yimyatem sayua liasü.
Iba sentong nung tetushi süa jaokertemji, Director General, Army Force Medical Service & Senior CC, Lt. General Manoj Kumar Unni, AVM, VSM, PHS aser GOC 3 Corps, Lt. General Abhay Krishna, AVSM, SM, VSM na liasü.
Sobaliba sentong nung PathsoNoken Cultural troupe ajanga Khiamniungan nunger rara tsüngsang Ey-Li-Zui ia sayu aser Kachari nunger telok kati Nagaland Riajwni Sikhla Jwng ken aten.
Ano, Yephemi yimtsüng nungi telok kati Sumi nunger Apukhu Kikti (Spear kicking) saisapong ia sayu.
Phaojol yimtsüng nungi telok kati Kuki nunger Lakoila ken aten aser Ekranipathar, Dimapur nungi Garo nungeri Wapong Kala ta ser saisapong ka ia sayu.
Iba sülen, Angangba village cultural troupe ajanga Sangtam nunger Ha-Ha ta ser tetsütebou ken ka aten aser Pholami Dzuvekro cultural troupe-i Chakhesang nunger rara tsüngsang Uphe Kuthi Li sayu.