Hornbill International Photo Festival (HIPFEST) tembangogo

Dimapur, Luchii/December 10 (Agencies): Hornbill International Photo Festival (HIPFEST) Seniors aser Juniors telemsa tetoktepba nung Sara Lorin aser Chenogi Tep nati takok nguogo.
Hornbill Festival shilem ka ama achaayangba agiba sentong ya Eastern Art Council-i present asü aser Department of Information & Public Relations-i nungita liasü.
Photo festival sentong Senior telemsa nung Achano Tungoe aser Samrat Sengupta nati 2buba aser 3buba jenjang nung takok ngua liasü. Ano külen Seniors telemsa nung Sophy Lasuh aser Njune Lorin nema senpet sen agütsü.
Junior telemsa nung Kenyuhile Lorin aser Kikruleno Casavi nati 2buba aser 3buba jenjang nung takok angu.
Seniors category 1st, 2nd aser 3rd jenjang nung takok angurtem nem senpet sen 40,000/-, 20,000/- aser 10,000 agütsü, ano külen kasa telemsa nung consolation prize angurtem nem senpet sen 5,000/- agüja liasü.
Juniors Category 1st, 2nd aser 3rd jenjang nung takok angurtem nem senpet sen 10,000/-, 5000/- aser 2000/- agütsüogo. Sentong tatemlen takok angurtem nem senpet sen agüja liasü, ta ketdangser osang ajanga metetdaktsü.