Hornbill Music Festival 2019 nung kentener telok 50 temai shilem agitsü

Kohima, November 19 (TYO): December 1 nungi 10 tashi Hornbill Festival 2019 amongdang Task Force for Music & Arts (TaFMA), Nagaland-i kentenbaren indang sentong balala renemogo.
Hornbill nung Music Festival dang “The Experiential Festival” ta ajar aser iba ya India nung music festival tulutiba lir.
Hungary, Korea aser Indonesia nungi dena linük tesem balala nungi kentener telok 50 temai Kisama, Kohima aser Dimapur nung shilem agitsü, ta TaFMA advisor Theja Meru-i ashi.
Iba kenten sentong ya TaFMA-i ketdangsüa agitsü. Hornbill Music Festival nung associate sponsor ji Casio India asütsü aser Mahindra, Gaana, Epiphone temi event partner ama yariteptsü. Maneni Red FM India-i radio partner aser and Rolling Stone, India-i magazine partner ama yaritsü.
Iba music festival atema Indian Council for Cultural Relation (ICCR)-ia TaFMA den yariteptsü.
ICCR-i acha-ayanga December 4 aser 5 anogotem Borsa Band-i Kisama nung shilem agitsü.
Dimapur nung ayonga agiba sentongtemji Livenow Events-i Agri Expo, 4th Mile Dimapur ketdangsüa agitsü.
December 3 nü Padma Bhushan & Grammy Award winner Pt. Vishwa Mohan Bhatt-i RCEMPA Jotsoma nung shilem agitsü.
December 4 nü MUSTB, Korea-i Dimapur nung shilem agitsü. MUSTB züngsemtemji Taegeon, Sihoo, Doha, Soohyun aser Woodyeon nungertem lir.
Kohima nung aliba café aser hotels nung anogo 10 piyong kentener 100 dak temai shilem agitsü aser December 9 nü Kisama main arena nung Lords of Rock-i shilem agitsü, ta Meru-isa metetdaktsü.