Hornbill Music Festival Dec 1. nungi Dimapur, Kohima nung akatsü; Rock Contest nung band 20-i shilem agitsü

Kohima, November 23 (TYO): Tanü Music Task Force (MTF) leniba kübok Hornbill International Music Festival 2016 event management team, Little Fire Production-i sangdong ka ajanga, December 1 nungi 10 nü tashi Hornbill festival nung tamalen ama masü saka takümbo Hornbill music festival ji Dimapur aser Kohima naprong nung akatsü, ta metetdaktsü.
Dream Café, Kohima nung osangbenertem senden nung jembidang Music Task Force Director, Gugs Chishi, Project Director MTF aser Little Fire Production züngsemtem, Event Manager Ate Kevichusa, Event Director Mele Pucho aser India Beatbox Championship tentetsang, Yanpvuo Kikon nungeri iba osang metetdaktsü.
Music festival ya December 1 nü Dimapur nung Hornbill Bollywood Dhamaka ajanga tenzüktsü aser iba sentong nung Hindi ken atener nüngtugu KK-i mezüngnü shilem agitsü aser tasemnübuba nung Kailash Kher-i shilem agitsü.
December 2 nü Hornbill Music Night akatsü, iba kenten sentong nung local bands Incipit, Polar Lights aser Mizoram nungi Boomarang teloktemi kententsü.
Kohima nung Hornbill music festival ji December 4 nü Hockey Ground, Indira Gandhi Stadium nung tenzüka Naga music nung nüngtugu band temi shilem agitsü.
Ano NBCC aser The Voice of Hornbill singing competition-i yarisema December 5 nü choral competition ka akatsü.
December 6 nü Nagaland nung nüngtugu kentenertemi shilem agitsü; iba kenten sentong nung super hit musicals- Jesus Christ Superstar, Les Miserables, Evita, Phantom of The Opera, Chess and song and dance.” akatsü.
December 7 nü India Beatbox championship (music from mouth) aser Hornbill International Rock Contest qualifying round alitsü.
India Beatbox Championship nung France nungi world champion Alem alitsü. December 6 nü The Heritage, Kohima nung workshop ka akatsü atema pa arur, aser iba sentong nung pa tetendanger asütsü.
Championship mapang nungji Nagaland-i Beatbox indang ensemble tulutiba world record yanglutsü merangtsü.
Rock Contest atema band ajak agi 20 shima lir aser band temji Assam nungi band 3, Kolkata nungi 2, Sikkim nungi 2, Bangalore, New Delhi, Pune, Darjeeling, Meghalaya, Mizoram, Siluguri aser Gangtok nungi kaka aser Nagaland nungi band 4 lir.
Rock Contest nung tetendangertemji nüngtugu VJ, actor aser musician, Luke Kenny, Rock Machine & Indus Creed nungi Uday Benegal aser Naga nunger sound engineer mongin, Atsung Jamir nunger asütsü.
December 8 nü India Beatbox championship final akatsü aser Hornbill Intentional Rock Contest 2nd qualifying round akatsü. Iba den külemi India Beatbox Association, Bangalore den senteper khen nungi beatboxers timtiba Limca Record yanglutsü merangtsü.
December 9 nü Hornbill Dance Competition aser Hornbill International Rock Contest final tetoktepba akatsü.
Iba dak alia Naga nungertemji ken meimertem asünung anogoshia Karoake competition alitsü, kong lokti nungia ken tena senpet angutsü maongka agitettsü.
December 5 nungi tenzüka Hornbill Music festival ji nikongdang 12:30 ako nungi tenzüktsü.
Little Music Village ka alitsü, kong state aser linük tesem balala nungi kentenertemi anogoshia patrons tem entertain asütsü.
Ano festival tesem nung pop-up restaurants, chiyungtsü stalls, beverage, clothing, fashion, art & crafts stall 40 shi alitsü.