Horticulture Dept. Silver Jubillee amungtsü

Dimapur, April 20 (TYO): Horticulture Department Silver Jubilee April 27, 2017 nü Capital Convention Centre, Kohima nung amungtsü aser iba benjongmung nung tongti tesemdangerji Nagaland aser Arunachal Pradesh Angh, P.B. Acharya asütsü.
Iba Jubilee sentong nung Jubilee Souvenir aser Memento sayatsü. Sentong nung Garden Band-i ken atentsü.
Horticulture nung mezüng Director, Dr. K. Chuba-i tesüiba mapang bilemteta jembitsü aser Horticulture Department tekolak, N. Amos Ao-i tang department jenjang metetdaktsütsü aser Horticulture Parliamentary Secretary, Kejong Chang-i Jubilee salem lemsateptsü.