Hosni Mubarak tepuokdak nungi chiokogo

March 24, 2017 : Okadak ken o angadangba sülen tesüiba mapang Egypt Tir Hosni Mubarak March 2 nü Cairo anüolentip tsütsü Maadi Military Hospital-i anir aru. Pa  iba tesem nungi Hokolbarnü chiokogo.

CAIRO, March 24 (Agencies) : Küm 30 tashi yimsüsü asüngsang taoba mapang Egypt Tir, Hosni Mubarak Hjokolbarnü tepuokdak nungi chiokogo.
2011 küm pa mapa nungi anendaktsüba sülen nungi Mubarak ya miliary hospital ka nung puoka ayu.
Pa mapa nungi anentsüba sülen nungi pai ola madoki liasü. Pai küm 30 tashi nung amentetba linük police tashi 2011 küm January aser February ita na nung, anogo 18 tsüngda chirep.
Pa mapa nungi kangshia anendaktsüba sülen ita ishika lir pai pa anemertem tashiyim agi nokdangtsü merangba mapang tajemba agi nisung 850 shi südaktsüba atema pa anema ken o benoka liasü.
Ajisüaka pa stretcher ka nung okadaki anir oa iba ken o angadangba mapang pai pa dak tonglokja aliba menangzük, saka iba sülen pa tepuokdak ayutsü asoshi obendang agütsü.
“Ni mezüng obendang angashidang ni menü. Ni kecha tai meinyak,” ta pai ashi.
Ni yimsü asüba mapang mezüng küm 20 dang nungibo tatemsa küm 10 nung terenlok adokba tuluba liasü, saka parnoki onok anema apuso,” ta pai ashi.
Tan March ita nung pa metentsüba sülen obendangertemi pa tepuokdak nungi chioktsü temeleba agütsü.
Okadak pa atema ken o benoka angadangba mapang pa pusemertemi, “Onok dang tai tokang,” ta o zülu zülua amer aru aser iba mapang nisung aikati parnok menütsü.
Aji süaka pa mapa nungi anentsüba sülen linük nung mangatettep aika adokogo. Pa melensang Mohamed Morsi-i yimsü asütsü tenzükba sülen linük nung telemsa aika adok.
June 2013 nung nisung million aika lenmang nung adenshia Muslim nunger yimsüsüba agientsü asoshi takhangba agüja longkak aitdang army-i pa pua ayutsüsa aküm.
Iba sülen police temi Morsi pusemertem nisung noklang aika tepsetogo. Saka ano meyiper jihadist temi sepia aser police noklang aika tepset.
Mubarak ya Arab Republic of Egypt nung Tir 4buba liasü.
Pa May 4, 1928 nü Menufiyah kübok Nile Delta yimtak aso aser linük nung tatong tir maküm tsüngda pa air force nung inyaka liasü.
Pai tashi ita yimsüsü tenzüka aoba sülen opposition-i pa nem “The Pharaoh” ta tenüng jaloktsü.