Hospital Colony Kohima nung Swachh Bharat mapa inyak

July 8, 2016 nü Kohima nung Social Security & Welfare Minister, Kiyanilie Peseyie-i DPDB Adoption Committee aser colony züngsemtem den külemi agiba noksa ka angur.

Dimapur, July 8 (TYO) : 8 Western Angami atema DPDB Adoption Committee-i Hospital Colony nung alirtem den külemi July 8, 2016 Cleanliness Drive (Swachh Bharat) mapa inyak.
Iba sentong nung tongti tesemdangerji Social Welfare & Parliamentary Affairs Minister, Kiyanilie Peseyie liasü.
Tongti tesemdangeri sentong tenzüktsüba sülen tang teyangludak Panchayat Hall semdang aser paisa mozüki tsünglanglen anentsüh aluba aliba tesem semdang.
Adoption Committee-i sangdong ka nung, Minister Kiyanilie-i sentong nung shilem agiba, Administrator KMC-i JCB aser Tipper truck agütsüba, OC, 89 RCC GREF-i mapa inyakertem den Tipper Truck agütsüba, Chairman, Hospital Colony aser pa den külemi inyakertem, Colony Youth Office aser kiyonger ajak dang pelaba metetdaktsü.