Hostel nung alirtem nem ita nung sen 700 agütsütsü

Guwahati, Luroi/August 12 (Agencies): Sorkari agizüker aliba colleges aser state universities nung azünger kaketshir shirnok hostel tem nung lidar, parnok nem Assam soakari direct benefit transfer (DBT) ajanga ita shia sen 700 subsidy ama agütsütsü.
Iba inyakyim ya hostel nung lia azünger kaketshir tsürapurtem nem senotsü tsütsü teyari tilaka agütsütsü asoshi benokba lir. Iba subsidy ya küm nung ita 10 atema agütsütsü.
State kübok university ti registrars aser college balala principal tem dang August 31 nü tashinungbo Assam higher education directorate nung parnok proposal agütsütsü asoshi metetdaktsüogo.