Hotel Japfu nung Glocal hornbill international festival ayongzüker

Kohima, December 04 (TYO): Tang tagidak Hornbill Festival dak sendakba nung Information & Public Relations Department-i Eastern Art Council den senteper December 5-6, 2019 anogotem nung Japfu Hotel nung Glocal hornbill international festival ayongzüka lir, ta ketdangsertem osang ka ajanga metetdaktsü.
Iba sentong tetenzük nung tetushi tejaokerji Minister Planning & Coordination Land Revenue & Parliamentary Affairs, Neiba Kronu asütsü.
Director IPR, Limawati Ao-i lokti pelaa agizükba o jembitsü aser Director Nicholas Kharkongor den Bioscope & Brahmaputra valley film festival nungi züngsemtemi o tatsütsü jembitsü.
Iba sentong nung alima tesem balala nungi film tatsütsü sayutsü aser tongti film screening ji ‘Axone’ film asütsü.
‘Axone’ film ya December 6 nüa nikongdang 3:30 nungi DIPR-i jaoka sayutsü.