Hotel Transylvania 2 film mezüngsüa sayanü sen mn 47.5 aazük

Los Angeles, September 28 (Agencies): Hollywood actor, Adam Sandler-i tongti shilem agiba ‘Hotel Transylvania 2’ film mezüng sayanü dollar sen million 47.5 tashi aazüka tan September ita sayaba film-tem rong nung sen timba aazükba film kümogo.

Transylvania film yangluba telok, Sony Pictures-i June, 2014 nung ’22 Jump Street’ film sayanü dollar sen million 57 aazüka otsü yangluba sülenbo par teloki iba mapang nungi tanü tashi yangluba film rong nung iba Transylvania film-i sen timba aazüker lir.

Par telokisa taoba mapang, 2012 küm adokba ‘Hotel Transylvania’ film-i dollar sen million 42.5 aazükba osang jangjaogo ta Variety.com-i metetdaktsü.

“Tan tesüsa yangluba ‘Hotel Transylvania 2’ film ya ozü teloki yangluba film rong nung nüburtemi kanga dang sapua reprangba film ka akümtsü,” ta Sony Pictures telok nung worldwide production Tir, Rory Bruer-ia metetdaktsü.

Hotel Transylvania 2 film den kasa mapang nung Universal teloki sayaba ‘Everest’ film-ia dollar sen million 13.1 aser Robert De Niro o Anne Hathaway nati tongti shilem agiba ‘The Nancy Meyers’ film-i sen million 18.2 aazükba osang jangjaogo.