‘Housefull 4’ nung Pateker melena Rana-i shilem agitsü

Mongputeni/October 23 (Agencies): ‘Sexual harassment’ ken o anema actress Tanushree Dutta-i tai apusang actor Nana Patekar, shibai Sajid Nadiadwala indang taruba ‘Housefull 4’ film nung shilem agitsü liasü, pai iba project toktsüogo.
Tang Film yanglurtemi Nana melena south Indian star, Rana Daggubati nem shilem agidaktsütsü atema telemtetba agiogo, ta osang ka ajanga metetdaktsü.
Kasa mapang film director Sajid Khan ya iba ken o dak sendakba maparen nung aija aliba ajanga pa melena Farhad Samji-i direct asütsü.
Osangtem ajanga angazükba agi, iba film nung shilem agitsü atema Rana-i mulunga liasü aser tang iba project dak sendakba maparentem teinyakdak lir.
Film yanglurtemi takaraba nung film yanglutsü asoshi osang sangdongtsü.
Iba film nung Rana dak alaka, Akshay Kumar, Ritesh Deshmukh, Boman Irani aser Chunky Panday, Bobby Deol, Pooja Hegde, Kriti Kharbanda aser Kriti Sanon nungeri shilem agitsü renema lir. ‘Housefull 4’ film ya Mongputeni/October 25, 2019 nü sayatsü ternemba lir.