Houston Open: Jack Sock quarterfinal tongogo

Houston, April 08 (Agencies): Defending champion, Jack Sock-i Australia nunger Matthew Barton madak takok ngua tang tasayadak ATP Houston Open quarterfinal asayatsü jenjang yashi, Brehostibar nü nguogo.
America nunger Sock-i yashi minute 75 nung points 6-2, 7-6 (7/5) ngua Barton madak takok angu.
1 buba round asaya nung bye angusang, tebur World No. 25, Sock-i Cyprus nunger Marcos Baghdatis den quarterfinal nung ajuruteptsü.
Tan asayamong nung 7 buba jenjang abensang, Baghdatis-ia points 6-4, 6-3 ngua Spain nunger Fernando Verdasco madak takok ngua liasü.
Anü külen, America nungersa, Tim Smyczek-ia ghonda ka shi nung points 6-2, 6-4 ngua külem America nunger Donald Yong akokba sülen Spain nunger Feliciano Lopez den quarterfinal asayatsü lemzükogo.
Tan asayamong nung 3 buba jenjang nung alisang, Lopez-ia points 7-6 (7/4), 6-1 agi Slovakia nunger Lukas Lacko tsükdaktsüba osang jangjaogo.