Houston Open: John Isner quarterfinal tongogo

Houston, April 09 (Agencies): America nunger John Isner-i takok ngua asayaba sülen tang tasayadak ATP Houston Open tennis asayamong quarterfinal asayatsü jenjang yashi, Hokolbar nü nguogo.
Tan asayamong nung temaba jenjang abener, Isner-i points 7-6 (5) 6-4 ngua South Korea nunger Chung Hyeon madak takok angu.
Tan asayamong nung temaba jenjang abener, Isner-i külem sensopur, Jack Sock den quarterfinal asayatsü lemzükogo.
Defending champion, Sock-ia points 6-4 6-4 agi Cyprus nunger Marcos Baghdatis madak takok ngua quarterfinal-i ia liasü.
Ano külen, Argentina nunger Juan Monaco-i points 6-4, 6-4 agi America nunger Sam Querrey akokba aser Spain nunger Feliciano Lopez-ia points 6-2, 6-3 agi America nunger Tim Smyczek tsükdaktsüba osang jangjaogo.
Doubles shilem nunga America nunger adianu, Bob o Mike Bryan nati points 7-6 (5) 6-3 ngua külem sensopur, Querrey o Steve Johnson na madak takok ngua liasü.