HP: Bus lendong nung nisung 44 tsükset

Shimla, April 19 (Agencies): Tanü Himachal Pradesh kübok Shimla district nung aliba Nerwa tesem nung nija bus ka longrenleni metre 250 tashi lua Tons ayong nung tsükokba lendong nung tajemba agi nisung 44 tsüksetogo.
Asürtem parnok 44 nungjagi tetsür 10, tanur asem aser tebur 31 liasü.
Osangbenertem den jembidang Shimla Deputy Commissioner, Rohan Chand Thakur-i, passenger temji Uttarakhand nung aliba Vikasnagar nungi Tuni-i aodang Himachal Pradesh litsü nung Uttarakhand-Himachal arrtsülen iba lendong atalok, ta metetdaktsü.
Bus nungji passenger ajak agi parnok 56 liasü.
Shilma SP, D W Negi-i ashiba agi, iba tesem nungjagi tasümang 43 bo ngutetogo aser tanüngba nisungtemji tang tebushidak lir.
Siramaur aser Shimla district na nungi police aser medical team yang (Shimla) nungi kilometer 190 pilar aliba tesem jagi yokogo aser parnoki teyaritep mapa inyakdar.