HP Spectre Folio o Spectre x360 laptop sangdongogo

Tsüklai/February 16 (Agencies): HP India-i February 14 Bodhbarnü shishilembadak HP Spectre Folio aser HP Spectre x360 laptop sayaba sangdongogo.
HP Spectre Folio ya cognac brown sentsü nung sen 1,99,990 aser HP Spectre x360 ya dark ash grey sentsü nung sen 1,29,990 agi tenzüka angutsü. Iba denji külemi Spectre x360 poseidon blue sentsü ka sen 1,39,990 agi angutsü.
“Alima nung technology melenshia aoba mapang ka nung HP-i device tajungtem yanglua PC indang sabang nung maneni takok nguyonga arudar. Customer temi nüngdakba tem asadanga onoki laptop design aser maparen tsütsü akok tashi agi tjungtiba agütsütsü meranger. Industry atema HP product ajanga jenjang tasen ka ano yanglutsüogo,” HP Inc. India, Managing Director,
Sumeer Chandra-i ashi.
Spectre Folio laptop design ya tapu aser tepungba asütsü kong industy indang motherboard tilitiba inoka yanglutsüogo. Iba motherboard ya 8th Gen Intet Core i7 processors ajanga yanrisemtsü.
Laptop nung tanga feature reprangdangra, 16 GB memory, 512 GB SSD storage aser tesangwa peria alidak aser tamang nung amshitsü atema 1W 400-nits FHD inoka yanglutsüogo.
“HP Spectre Folio aser Spectre x360 naprong indang design tajung den cutting edge engineering aser performance temaba agütsür,” ta HP Inc. India, Personal Systems, Senior Director, Vickram Bedi-i ashi.
8th generation Intel Core processors inoka yangluba HP Spectre x360 nung battery tajung inoka lir koba ajanga mapang talangka amshitetter, ta company-i ashi.
Laptop nung FHD 4K (UHD) display option nung angutsü.