HPBWC-i asür Projeshkanti Roy mang ayimer

Dimapur, July 28 (TYO): Shishilembar Projeshkanti Roy mapang tatsüka shiranga aruba sülen July 27, 2017 nü asüba atema Hazi Park Businessman Welfare Committee (HPBWC) aoksar aser mangyim lemsateper, ta sangdong ka nung metetdaktsü.
Roy ya Hazi Park nung shishilembar tajung ka liasü aser Hazi Park nung shishilembar mezüngpur ka liasü. Pa tila ka nungi tenzük aser Hongkong Market kümtetba nung pai shilem agia liasü, ta Hazi Park Businessman Welfare Committee President, Hukato Achumi-i sangdong ka nung ashi.
Asür Roy ya Hazi Park nung ajemalu aser tenendak shishilembar ka liasü aser pai shishilembartem atema shilem tulu agi. Pa asübaji Hazi Park nung shishilembartem atema takoksa lir. Iba asükhu mapang HPBWC-i tasür kibong den mangyim lemsateper aser Tsüngremi tesünep aser tashi agüjang ta sarasademer, ta HPBWC sangdong nungsa ashi.
Asür Roy nem akhüm tetushi agüja Hazi Park nung shishilembartemi Hokolbar anüngdang 12:00 ako nungi dokantem shibang, ta sangdong nungsa metetdaktsü.