HPBWC-i Hazi park nung kilentzü aodak merüktet

Hazi park-CleanDimapur, June 26 (TYO) : June 26, 2016 nü Hazi Park Businessman Welfare Committee-i Hazi park tesem nung kilentzü aodak merüktetba mapa inyak.
Kilentzü aodak jana agi tangbangaba ajanga mapang talangka tzü moi timtema liasü aser tanü mapa inyakertemi ‘non-biodegradable materials’ agiteta endok aser kilentzü aodang nembangba ‘slab’ teraksatem melen, ta HPBWC, Dimapur President, Hukato V Achumi-i sangdong ka nung metetdaktsü.
Hazi park market nung northeast tesem balala nungi nisungtem arua shishilembar aser iba jagi HPBWC-i iba market tiptema ayutsü meranger, ta Hukato-isa ashi.
Iba dak sendakba nung welfare committee-i DMC Administrator, Atokhe Aye aser par staff-i Dimapur merüka ayutsü atema mapa inyakba atema kanga pelar. Ano, business community purtemi telok mapa ajak nung yaritepba atema pelar, ta HPBWC sangdong nungsa metetdaktsü.
HPBWC-i maneni nübortem atema inyaktsü aser tarutsü anogotem nunga public teyari angutsü imlaa atar, ta parnokisa shisem.

You must be logged in to post a comment Login