HPC(D) telungpur bendanga agütsür ajak nem sen lakh 3 agütsütsü

Aizawl, Rongchii 17 (Agencies): Hmar telungpur shirnok Rongchii (April) 13 nü bendanga agüja liasü parnok 114 prongla nem rehabilitation package nung shilem ka ama sen lakh asemsem agütsütsü, ta Home department ketdangser kati ashi.
Rongchii (April) 2 nü Aizwal nung Mizoram sorkar aser Hmar People’s Convention (Democratic) pur tsüngda tezüngzüktepba ka yangluba sülen HPC(D) telungpur lenirtem aser züngsemtem ajak bendanga agütsüogo.
Bendanga agütsüba telungpurtem ajak parnok yimtsüngi meyipaogo, ta ketdangserisa ashi. Hmar telungpurtemi sniper rifles pezü, grenade launcher ka, AK assault rifles teku, M-16 carbine assault rifle ka aser double-barrel prangbong 13 densema prangbong 45 bendanga agütsüogo. Parnokisa injang 2,892, launcher shell tem aser radio set pongu, ta Rongchii (April) 13 nü bendanga agütsüogo. Parnoki bendanga agütsüba prangbongtem ya state Home Minister R. Lalzirliana nem agütsüogo.