HPV vaccin mezüngbuba Sikkim nung agütsü tenzükogo

Gangtok, Chiteni/July 31 (Agencies): Department of Health Care, Human Services & Family Welfare-i Sikkim nung Tentonü Human Papilloma Virus (HPV) vaccine agütsütsü asoshi sentong ka amenokogo.
Iba sentong amenokba ya Sikkim atema otsüsütsüka lir kechiyong tetsür tanur arishi küm 9 nungi 14 tashi cervical cancer menatsü nungi kümzüktsü atema HPV vaccines agütsütsü asoshi sentong amenokba ya India nung state tem rongnung mezüngbuba lir.
Osang ajanga ashiba agi, iba sentong ya Chiteni/July 30 nü nungi tenzükogo aser Lorui/Aug 14 tashi agitsü.
Iba sentong amenokba sentong ya Deorali Girls Senior Secondary School nung State Chief Secretary A K Srivastava tongti tesemdanger ama kaogo. Iba sentong nung Additional Chief Secretary, G P Upadhyaya, Commissioner-cum-Secretary of Health Department, Vishal Chauhan aser Health Department o Human Resource Development Department nungi ketdangsertem den külemi tanga tongtibang nisungtem dena liasü.
Sikkim cervical cancer melei kümdaktsütsü nükjidong nung Human Papilloma Virus (HPV) vaccination sentong ya District pezüprongla nung Tentonü amenokogo.