Hrithik aser Sonam nati ‘Aashiqui 3’ nung shilem agitsü

December 16, 2015: ‘Dheere-dheere’ ken nung külemi shilem agir Hrithik Roshan aser Sonam Kapoor, nati maneni ‘Aashiqui 3’ film nung shilem agitsü, ta dna.com. osang ajanga metetdaktsü.

Kasa osang ajanga, iba film ya Amit Sharma-i direct asütsü. Sharma-i Tevar film aser Amaal Malik’s music video ‘Main rahun ya…’ direct süa lir.

Hrithik aser Sonam na music video ‘Dheere dheere se…’ nisung aikati junga agizüktetogo aser tenati Aashiqui 3 nung shilem agitsü.

Sanjay Gupta indang taruba film nung Hrithik Roshan-i tongti shilem agitsü osang sangdongba mapang nungi tenzüka iba film nung tetsür shilem tongtiji shibai agitsü ta jembia liasü. Iba nüknürar film nung shilem agitsü atema Kareena Kapoor Khan-i memulung ta osang angazüker, aser la melen Shraddha Kapoor dang asüngdang ta osang angazük.

Iba dak sentakba nung osangbenertem den jembidang Rakesh Roshan-i, item osangji tiyazü aser onoki shianga ajurua mali, ta shia liasü.

Paisa otsü ana lir aser iba nungjagi ka shimtettsü, ta ashi.