Hrithik den inyaktsü kanga yongyaa atar: Zoya Akhtar

Tsüklai/February 14, 2019 (Agencies): Zoya Akhtar indang film tasentiba Gully Boy ajungba indang ajaki tenüngsanga arudar. Iba film ya cinema hall nung tanü sayaogo aser iba ajanga maneni la ajaki tetshi tenzükogo.
Tanga tasüngdangba tem den la indang film tem tatongtep film yanglutsü meyanglutsü ta aikati asüngdanga arudar. lai ashiba agi, “ni sen atema dang kü indang film tem indang sequel meyangluner. Ni kü indang film ‘Zindagi Na Milegi Dobaara’ nunger amala tatongtep film tem yangluner.
Iba film nung mezüngbuba film nung shilem agiba actor temi shilem agitsü ta asüngdangba mapang lai ashiba agi, “ni Hritik Roshan den inyaktsü asoshi kanga yongyaa atar. Ni pa den kanga inyakner anungji ‘Zindagi Na Milegi Dobaara’ tanabuba yanglutsü asoshi sentong yangludar. Ajisüaka script tajung ka renemer sülenang ni iba project nung inyak tenzüktsü. Katrina Kaif, Farhan Akhtar, Kalki Koechlin aser Hrithik Roshan nunger ajak ya ni asoshi kanga tongtibang lir. Ni parnok den tensendaktep tajung lir anungji sen atemabo inyaktsü asoshi ni tebilema mebilemteter.”
Laisa, “kü indang career Hrithik aser Farhan den tenzük aser tena den ano maneni inyaktsü asoshi kanga yongyaa atar,” ta ashi.