Hrithik-i Hindi ‘Rambo’ fil nung shilem agitsü

New Delhi, March 09 (Agencies): Bollywood actor, Hrithik Roshan-i Hollywood film ‘Rambo’ yanglushiba Hindi film nung shilem agitsü ta jembidar,
Hollywood film ‘Rambo’ ya Sylvester Stallone-i shilem agiba film lir.
NDTV osang ajanga ashiba gi, Bollywood film yanglur, Siddharth Anand-i Hollywood movie ‘Rambo’ Hindi oshi nung yanglutsü aser iba film nung tongti shilem agidaktsütsü atema Hrithik dang asüngdangtsü tebilemba lir.
Anand-i, “(Bollywood film Rambo atema) Hrithik Roshan ji shimtsü ni bilemdar, ajisüaka tang tashi nungbo shinga shima mali. Actor tasen ka dang asütsüa akok,” ta ashiba NDTV osang ajanga metetdaktsü.
2014 küm Siddharth aser Roshan na ‘Bang Bang’ film nung külemi inyaksema liasü, iba film nung Katrina Kaif-ia shilem agia lir.