Hrithik Roshan-i Ketto nem tenla tajung agütsü

August 11, 2016: Ketto ya senotsü bushia nüngdakbapur yariba nüngtugu sabang ka lir aser iba telok tenteter rongnung actor, Kunal Kapoor-a densema lir.
US nung amenoka aliba kibong ka nung lendong tuluka ataloka tatembangbuba asüpila sentong agitsü atema sen nüngdaka liasü.
Iba kibong jagi tajemba agi sen lakh 5 nüngdaka liasü, ibayongji Kunal-i social media ajanga nüburtem dang tenla tajung agüja iba kibong yaritsü mepishi.
Iba osang angashia actor, Hrithik Roshan-i Kunal den tongtepratepa jembiba sülen pai iba senji asür kibong züngsem ka account nung inoktsü.
Osang ka ajanga ashiba agi, “Hrithik ya melungsoa tenlar ka lir aser pai mapang ajak nung timtemertem aser nüngdakbapurtem yarir.
Kunal-ia, “Lendong atalokba kibong kati sen nüngdakba ajanga Ketto-i senotsü lenmang bushia liasü. Ni social media nung post ka agütsü aser ibaji Hrithik-ia züngshi. Pai kü dangi call süa pai iba kibongji yariner ta ashi. Pai melungsoa yariba ya tang mezüng masü. Item ama nüngdakbapurtem yaritsü atema nisung aikati melungsoa tenlatsü ta ni amanger,” ta ashi.