HS Prannoy-i Thomas Cup nung shilem magitetsüsa akümer

New Delhi, May 11 (Agencies): India nunger badminton asayar, HS Prannoy-i China kübok Kunshan nung tan May ita 16 nü nungi tenzüka asayatsü ayongba Thomas Cup asayamong nung India tenüng nung shilem magitettsüsa akümba osang metetdaktsüogo.
“India teloki tan agi Thomas Cup finals nung toktepa shilem agitsü jenjang 8 benbuba ajangzüker lir. Ajisüaka, kü tetsüng yirua aliba yong ni iba tongtipang asayamong nung shilem magitettsüsa akümer,” ta Prannoy-i osang jangjashitsü.
Hopta ana tejaklen asayaba Singapore Open asayamong nung Prannoy tetsüng yirua liasü.
Taküm March ita Swiss Open Grand Prix Gold takok marok agizüksang, Prannoy-i tan May ita 30 nü nungi tenzüka asayatsü ayongba Indonesia Super Series Premier asayamong nunga shilem magitettsü akok.
Prannoy-i shilem magitettsüsa akümba yong Ajay Jayaram, B Sai Praneeth aser Vermana adianu na nungeri India tenüng nung Thomas Cup nung shilem agitsü renema lir.