HS&G Birthday-cum-Cultural Day amung

Scouts purtemi Pyramid yanglua sayuba noksa nung angur.

Dimapur, October 23 (TYO): Honibarnü Holy Cross Higher Secondary School, Dimapur nung Hindustan Scouts & Guides Birthday-cum-Cultural Day amung.
Iba sentong nung cubs o bulbuls aser scouts o guides temi parnok tsüraburtem dang shilem balala ia sayu.
Sentong nung tongti tesemdangerji School Chairman, Rev Fr. P J Thomas liasü aser pai ashiba agi, Hindustan Scouts & Guides ya nisung ka taküm nung yimyatsüya tajung sübatettsü atema tentetba lir.
“Asenoki asen taküm azüoka alitsüla. Asenok azüoka melira, asen taküm nung takok mangutsü,” ta paisa scouts & guides ayongzüka jembi.
Teacher Nirmala-i küm aika Hindustan Scouts & Guides atema kanga dang nendaka mapa inyaka aruba atema Fr Thomas-i la nem tenüngsang agütsü aser paisa ashiba agi, Nagaland nung HS&G movement takok angutsü atema lai kanga dang bendanga agüja inyaker.
Sentong nung tetushi süa jaokerji, Holy Cross Hr Sec. School alumni aser HS&G indang mezüng troop leader, Dr Medozato liasü.