HSLC & HSSLC, 2018 takok angur nem Governor’s Award agütsütsü

Dimapur, Aami (June) 6 (TYO): Aami (June) 8, 2018 anedpang 11:00 ako nung HSLC & HSSLC, 2018 Rank Holders nem Governor’s Award agütsütsü.
Raj Bhavan nung agiba sentong nung Nagaland Governor, PB Acharya-i HSLC, HSSLC toppers & Rank Holders nem Governors Awards/Certificates, MIL & Skill Education subjects nung Achievers Awards, HSLC & HSSLC Toppers nem NBSE Awards aser HSLC topper nem Dr. Neilhouzhu Kire Award agütsütsü.
Sentong nung Retd DGP, Nagaland K Kire aser School Education & SCERT Principal Secretary, Menukhol John nati o tatsütsü jembitsü aser Bharat Goyal-i Career in IT for Digital India indang onük jembitsü.
Sentong nungsa Pranab Vidyapith Higher School, Dimapur aser Mezhur Higher Secondary School, Kohima kaketshirtemi ken atentsü aser NBSE Chairman-i tesentepertem pelaa agizüktsü.