HSLC & HSSLC Toppers nem Governor’s Award agütsütsü

Dimapur, June 1 (TYO) : June 8, 2016 nü HSLC and HSSLC Examinations 2016 nung Toppers aser Rank Holders nem Governor’s Award agütsütsü, ta Controller of Examination, NBSE, Rangumbuing Nsaranbe-i sangdong ka nung metetdaktsü.

Iba sentongji anepdang 11:00 ako nung Durbar Hall, Raj Bhavan, Kohima nung agitsü aser Nagaland Angh, P.B. Acharya-i sempettem lema agütsütsü. Anungji Rank Holders aser tejaokertem ajak arua adentsü mepishia metetdaktsür, ta Rangumbuing Nsaranbe-isa sangdong nung shia lir.