HSLC & HSSLC Toppers nem sempet agütsütsü

Kohima, May 11 (TYO) : Taküm 2017 küm NBSE ajanga agiba tatidang nung HSLC aser HSSLC tatidang nung tematiba takok angurtem nem Governor’s Award agütsüba sentong ka May 26, 2017 anüngdang 11:00 ako nung Durbar Hall, Raj Bhavan, Kohima nung alitsü.
Iba sentong nung Class 10 (HSLC) tatidang nung tematiba jenjang nung takok angur 20 aser class 12 (HSSLC) nung Arts, Science aser Commerce shia nung tematiba jenjang nung takok angur parnok nisung terer nem iba sempet ya agütsütsü.
Iba sentong nung kaketshirtem takok anguba school nung tekolak aser tanur shia tsürabur kaka arua adentsü metetdaktsüogo.
Iba sempet angutsü pur kaketshirtem ajak pei school uniform nung arutsü asoshia osang yokogo.