Kohima, February 9 (TYO) : Mongulbar nungi Nagaland Board of School Education (NBSE) Examination 2016 tenzükogo aser Higher Secondary School Leaving Certificate (HSSLC) o High School Leaving Certificate (HSLC) Examinations 2016 agütsür kaketshir ajak agi parnok 37,477 lir.
Tanü nungi kaketshir 14,508-i Arts, Commerce aser Science atema HSSLC tatidang agütsütsü tenzükogo. NBSE-i district 11 nung iba tatidang agitsü asoshi Centre 50 tashi lapoka lir.
HSSLC kaketshirtem telemsaji Arts nung 10,486, Commerce nung 1397 aser Science nung 2725 lir.
Bodbar nungi tenzüktsü aliba HSLC (Class X) tatidang nung kaketshir 22,969-i Nagaland kübok Centre 72 nung tatidang agütsütsü.
HSLC tatidang agütsürtem rongnung tebur 11,071 aser tetsür 11,898 lir.
You must be logged in to post a comment Login