HTC teloki Desire 630 smartphone India nung ayoktsü tenzüker

New Delhi, June 21 (Agencies): Taiwan nung tentetba HTC teloki Desire 630 smartphone India nung sen 14,990 yong ayoktsü tenzükogo.
Par teloki Desire 630 phone ya India nung taoba May ita saya saka iba phone jenjang kwi asütsü iba osangbo memetetdaktsüi liasü.
Stratus White aser Graphite Grey sentsü nung yangluba HTC Desire 630 phone den 24-bit hi-res HTC Extreme Fidelity earphones, lanyard aser snap case 2 angati agi angutsü.
HTC Desire 630 phone ya Desire 530 aser Desire 825 phone na den MWC 2016 sentong nung mezüng saya liasü.
5-inch HD (720×1280 pixels) Super LCD display aketba HTC Desire 630 phone ya 1.6GHz quad-core Qualcomm Snapdragon 400 processor den RAM 2GB ajanga mapa inyakdaktsür.
Iba phone telung nung  16GB  memory lir saka kasaji microSD card amshiba ajanga 2TB tashi kümdaktsütettsü.
HTC Sense 7 UI dak amendakba Android 6.0 Marshmallow OS mesenlokba den külemi, HTC Desire 630 phone nung Nano SIMS 2 tashi amshitettsü.
Iba phone tesülen 13-megapixel camera den LED flash aser BSI sensor inoksema lir aser phone tejaklena 5-megapixel den BSI sensor inokja lir.
Tanga HTC smartphone-tem ama, iba phone nunga BoomSound speakers den Dolby Audio mesenloktsüba den külemi, 2200mAh tashi aketba battery inoksema lir.
Tasazük 146.9×70.9×8.3mm aser gram 140 taret HTC Desire 630 phone nung GPRS/ EDGE, Bluetooth 4.1, 3G, Wi-Fi 802.11 b/g/n, GPS/ A-GPS, 4G aser Micro-USB amshitettsü.