H&TE department-i ST scholarship atema jangjashitsür

Dimapur, November 6 (TYO): Eastern Nagaland College Students’ Union (ENCSU)-i November 4, 2017 nü sangdong ka agütsüba atema Higher Education Department, Nagaland-i kuli ka agütsü.
Ministry of Tribal Affairs, Government of India nungi Scheduled Tribes Students Scholarship mezüngbuba instalment-ji Higher Education Department dangi aru aser ibaji Students/Beneficiaries indang account nung enoktsüogo, ta Department-i ashi.
Mezüngbuba instalment indang Utilization Certificate den külemi Department-i instalment 2 aser tatembangba meshia Ministry dangi züluogo, ta parnokisa shisem.
ENCSU-i instalment agüjang ta masü saka Ministry of Tribal Affairs, Government of India-i tekaraba nung instament 2 buba aser tatembangba agüjang ta ang meshitsü atema metetdaktsür, ta department-i sangdong nungsa ashi.