Huawei-i China nung Honor 5C smartphone sayaogo

April 29, 2016 : China nung smartphone yangluba company, Huawei-i mezüng yanglua aliba Honor tarensen den sentaktepa Honor 5C smartphone sayaogo.
China nung sayaba HiSilicon Kirin 650 chipset tashi ajanga amshiba phone nung  RAM 2 GB aser memory 16 GB inokja lir.
Sim card ana amshitetba smartphone nung ya 5.2 inch Full HD display keta lir aser mezüng yongi Android 6.0 Marshmallow inokja lir.
Huawei Honor 5C smartphone tesülen 13 MP camera keta lir aser ibaji ajanga 1080p video tangoktettsü. Ano phone tejaklena 8 megapixel camera inokja lir.
Iba smartphone nung keta aliba oset aser inyakyim ajak agizüka mamshitetba, 3000 mAh battery ajanga tashi angur.
3G model smartphone ji sen dollar 139 agi ayoktsü aser 4G model smartphone ji sen dollar 15 shi agi tali temketer ayoktsü akok.
Tang tashi nung iba phone bendanglen ayoktsü atema osang tejangja kecha shia mali.