Huawei P8 Lite (2017) sayaogo

January 13, 2017 (Agencies): Mobile yangluba company Huawei ajanga yaküm P8 Lite yangluba sülen ano maneni Huawei P8 Lite 2017 sayaogo. Iba tasenba phone tereprangtsü ya Huawei P8 den mesüktepa lir saka iba phone nung keta aliba osettem balaka lir.
Huawei P8 Lite (2017) intang display 5.2-inch IPS aser 1080 pixel lir. Iba P8 Lite (2017) nung A53 octa-core processor aser Mali-T830 MP2 GPU aketba Kirin 655 chipset inoka lir.
Iba phone nung 3GB RAM aser 16GB memory keta lir aser micro SD card 128GB tashi inoka mashitettsü.
Huawei P8 Lite (2017) nung magizüktetba 3,000mAh battery aser Android Nougat 7.0 lir. Iba phone tanak, temesüng aser hon sentsütem nung angutsü aser alima tesem kar nungbo SIM ka dang amshitetba angutsü.
Iba phone tesülen camera 12-megapixel f/2.0 aperture aser tejaklen camera 8-megapixel lir.
Iba phone indang jenjangji India nunger sen 17,345 shi asütsü aser January tatemlen nungi angutsü.