Hügel Hifliers FC & Saoyang Sporting FC draw asü; Settle FC-i kokogo

Dimapur, Mongputeni/October 16 (TYO): 26buba Loyem Memorial Trophy tanü asaya nung Saoyang Sporting FC nungi asayar Büpen-i asaya tatemi goal ka idakja par telok Hügel Hifliers FC den goal 1-1 nung tembang.
Hügel Hifliers FC pur atema minute 56buba nung Hopong-i goal ka idaktsü aser parnoki asaya akoktsü imlaa aliba mapang ka nung asaya tatemi minute 90buba nung Büpen-i goal ka idaktsüba ajanga draw asü.
Asayar telok anapronglai ball tejakleni bener moi midfield nung dang asayaa liasü, ajisüaka asaya tanabuba shilem nung telok anapronglai goal idaktsütsü asoshi meranga asaya aser goal keaper anaprongla mazüngi toktsü.
Tanü asaya mezüngbuba nung Settle FC-i goal 4-0 agi Homers FC madak takok nguogo. Asaya nung mezüngbuba goal Settle puri minute 2buba nung idaktsü aser iba sülen parnoki maneni goal asem idakja asaya kokogo.
Rasemnü asaya yamai alitsü:
12:00 Noon DEF Tsg Vs Oziepik FC
1:30 p.m. Pisgah United Vs Nyenshen FC