Hugh Hefner tasümang Marilyn Monroe anasa aremtsü

September, 28, 2017 : Asür Hugh Hefner-i Playboy atema mezüng cover girl, Marilyn Monroe agi kanga temulung asü.
Tetsürtemi kanga sapusang Hugh Hefner-i pa indang mezüng star temulung nung teti bilemba shia liasü.
Pa asemben tashi kibong kümaka, Hugh Hefner-i pa indang Playboy cover girl, Marilyn Monroe mamateter.
Tanü pa masü tsüngda, pai Marilyn den teti külemi anasatepa alitsü asoshi pa sür aremtsü atema Marilyn aremba tesem anasa aliji alizüka ayu.
Pai iba nüngtugu tsür den kanga jungabo ajurutepa makazüdang saka Playboy ngutetsangi, ni la den tesendaktep tuluka lir amai bilemer, ta ashi.
Hugh-i aliba leper liji küm 25 tashi tazüng yua liasü, ajisüaka pa la anasa aremtsü tebilemba lir.
2013 küm pa arishi küm 86 asüba mapang CBS den jembiba mapang, pai, Marylin ji pa asoshi kanga tongtibang, kechiba süra mezüngbuba iba nüngtugu brand ya lai ajungkettsü aser ibaji ajanga kü taküm teti asoshi melenshitsü, ta ashi.
“Ni la den tesendaktep kanga tulu ka lir ama bilemer kechiba süra la Playboy lapoktsür sabi lir, aser künaprongla 1926 küm asobatem lir,” ta pai ashi.
Küna tesendaktep tulu aliba den külemi Marilyn ji kanga tajung liasü aser ni la den pelashishia medemer lila, ta paisa ashi.
Arishi küm 36 asüba mapang ajungbena asüla Marilyn aremba leper Westwood Village Memorial Park, LA nung la anasa aliba leperji 1992 küm nungi tayoktsü lapoktsü aser Hugh-i sen dollar 75,000 ai alizüka ayu.
Hugh Hefner arishi küm 91 nung süogo, ta Playboy sangdong ka ajanga metetdaktsü.
Pai tanur teintet pezü aser pa kinungtsü arishi küm 31 tain, Crystal nunger yutsür iba alima nungi pila.
Aji oda süaka pa tang nung dang asüyonga Marilyn den külemi leper nung aremtsü. Pai leper nung ali alizükba sülen nungi tesüiba küm 25 tashi pa la anasa aremtsü indang bilema ali asütsü akok.